ಭಾವ ಜೀವಿ..........

                         ಮನದೊಳಗೆ
                         ನೀ ಬರೆದ
                         ನೂರೆಂಟು ಭಾವಗಳ
                         ನಡುವಿನೊಳಗೊಂದು
                         ಶೃಂಗಾರದ
                         ಸಾಲು........
                         ನೆನಪಾಗುತಿದೆ ಗೆಳತೀ.......
                         "ಆ ನಿನ್ನ

                         ಮೃದು ಅಧರದ

                         ಸುಮಧುರ

                         ಸಿಹಿ ಚುಂಬನಾ......"

                         ಆದರೂ.....
                         ನಾ.... ಭಾವ ಜೀವಿ.....

ಅಲೆಗಳು......

ಮರಿದುಂಬಿಗಾಗಿ........

ದೊಡ್ಡದಾಗಿ ನೋಡಲು ಚಿತ್ರದ ಮೇಲೆ ಕ್ಲಿಕ್ಕಿಸಿ.......

ನಿನಗಾಗಿ ಕಾದಿರುವೆ.....

ಚುಂಬನ......

ಇವತ್ತು ಬೆಳಿಗ್ಗೆ ಸೂರ್ಯನ ಬೆಳಕು ಈ ಹೂವಿನ ಮೇಲೆ ಬೀಳುವುದನ್ನು ನೋಡಿದೊಡನೆ ಚಿತ್ರಿಸಬೇಕೆನಿಸಿತು, ಮಧ್ಯಾಹ್ನ ಈ ಚಿತ್ರಕ್ಕೊಂದು ಕವನ ಬರೆಯಬೇಕೆನಿಸಿತು.... ಎರಡನ್ನೂ ಮಾಡಿರುವೆ ಹೇಗಿದೆ ಎಂದು ತಿಳಿಸಿ....

                    ಓ ರವಿಯೇ.......

                         ಈ ಚಳಿಗಾಲದ

                         ಚಳಿಯಲ್ಲಿ

                         ಚಂದಿರನ ಬೆಳಕಿನಲಿ

                         ಚುಮು ಚುಮು ಎಂದು

                         ಮೈ ಚುಂಗರಿಸಲು

                         ಮಳೆ ಹೊಯ್ದಂತೆ

                         ಇಬ್ಬನಿ ಸುರಿದರೂ......

                         ಬೆಳಗಾಗುವವರೆಗೆ

                         ನಿನ್ನ ಬೆಚ್ಚನೆಯ

                         ಕಿರಣಗಳ ಚುಂಬನಕೆ

                         ಹಾತೊರೆದು ಕುಳಿತಿದ್ದ

                         ನನ್ನನ್ನು

                         ಯಾರ ಅಡೆ ತಡೆಯೂ ಇಲ್ಲದೇ

                         ಕಡೆಗೂ ನೀ ಬಂದು

                         ಚುಂಬಿಸಿದೆಯಾ......

Photo Exif :- Shutter Speed 1/1000, Aperture f/5.6, ISO 500, Focal Length 105 mm. ಯಾವುದೇ ರೀತಿಯ P.P ಮಾಡಿಲ್ಲ ಹೇಗೆ ಕ್ಲಿಕ್ಕಿಸಿದೆನೋ ಹಾಗೇ ಹಾಕಿರುವೆ, ಹೂವಿನ ಮೇಲಿನ ಸೂರ್ಯನ ಬೆಳಕಿನಾಟ ಇಷ್ಟವಾಯಿತು.

ಮೊದಲ ಮೆಟ್ಟಿಲು....

                              ಪ್ರತಿದಿನವೂ.....

                              ನೀಬರುವ ಹಾದಿಯನು ಕಾದೂ... ಕಾದೂ.....

                              ಹಂಸದ ನಡಿಗೆಯಲಿ ಬರುವ

                              ನಿನ್ನನ್ನು..... ನೋಡಲೋ..... ಬೇಡವೋ....

                              ಎಂಬ ಶಂಕೆಯನು ಬದಿಗೊತ್ತಿ .....

                              ನಿನ್ನ ಚಂಚಲ ಕಣ್ಣುಗಳು ಯಾವಾಗ

                              ನನ್ನನೊಮ್ಮೆ  ನೋಡುವವೆಂದೂ.....

                              ನೋಡಿ ...  ಆ ಪುಟ್ಟ ಕೆಂದುಟಿಯಂಚಿನಲಿ

                              ನನ್ನೆಡೆಗೆ ನೀನೊಮ್ಮೆ ಬೀರುವ

                              ಮುಗುಳು ನಗೆಗಾಗಿ

                              ಕಾತರಿಸುತ್ತಾ....

                              ಪ್ರೀತಿಯ ಮೊದಲ ಮೆಟ್ಟಿಲಲಿ

                              ಕಾದು

                              ಕುಳಿತಿರುವೆ ....... ನಲ್ಲೆ....

ಮಳೆ......

                                                          ಸಿಡಿ ಸಿಡಿಲು......

                                                          ಗುಡು ಗುಡುಗಿ......

                                                          ಫಳ ಫಳನೆ

                                                          ಹೊಳೆವ

                                                          ಮಿಂಚುಗಳ

                                                          ಜೊತೆಯಾಗಿ......

                                                          ಪಟ ಪಟನೆ

                                                          ಹನಿ... ಹನಿಯಾಗಿ......

                                                          ಮುಸಲ ಧಾರೆಯಾಗಿ    

                                                          ಮತ್ತೆ

                                                          ಮರುಕಳಿಸಿ ಸುರಿಯುತಿದೆ

                                                          ಮಳೆ

                                                          ಮಲೆನಾಡಿನಲಿ......

ಸವಿ ನೆನಪುಗಳು

               ಬೇಡವೇ......
               ಬೇಡವೆಂದು......
               ಮನಸಾ...ರೆ
               ಮನದಾಳದಿಂದ
               ಮತ್ತೆ
               ಮತ್ತೆ
               ಕಿತ್ತೊಗೆದರೂ..........
               ನನಗರಿಯದಂತೆ
               ಮತ್ತೆ
               ಮನದೊಳಗೆ ನುಗ್ಗಿ
               ಮರಳಿ
               ಮರಳಿ
               ಮರುಕಳಿಸುತ್ತಿದೆ
               ನಲ್ಲೇ............
               ಆ
               ನಿನ್ನ
               ಸವಿ ನೆನಪುಗಳು ......

ಮಡದಿ......

ವಿವಾಹ ಮಂಟಪದಿ

ಏಳು ಹೆಜ್ಜೆಯನಿಟ್ಟು

ಜೊತೆ ಜೊತೆಗೆ

ನೆಡೆವೆನೆಂದು

ನುಡಿದೆಯಂದು.....

ನಾಕಾರು ಮಕ್ಕಳನು

ಹೆತ್ತು ಬೆಳೆಸಿದ ನಾವು

ಕೊರಗಿದೆವು ಅವರಿಂದ

ದೂರವಾಗಿ.....

ನೆಡೆದಿರುವೆ 

ಜೊತೆ ಜೊತೆಗೆ

ನೀನಂದು ನುಡಿದಂತೆ

ಸುಖ ದುಃಖವೆರಡರಲು

ಭಾಗಿಯಾಗಿ......

ನೀ ನಿರದೆ

ಇರಲಾರೆ...

ಓ ನನ್ನ ಮಡದಿಯೇ......

ಜೊತೆಯಾಗಿ ನೆಡೆವೆಯಾ

ಪರಲೋಕ ಪಯಣದಲಿ......??

ಪಯಣ......

                    ದೊಡ್ಡ 

                    ಭೂ ಮಂಡಲದಿ

                    ಪುಟ್ಟ 

                    ಹೆಜ್ಜೆಯನಿಡುತ

                    ಗುರಿಯನರಿಯದೇ......

                    ನಡೆವ

                    ಎಳೆ ಮಗುವೆ

                    ಎತ್ತಗೀ

                    ಪಯಣ......

ನಾನಾಗುವ ಆಸೆ......

               ನನಗೆ...
               ನೂರಾ...ರು
               ನಾನಾಗುವ ಆಸೆ......

               ಸ್ವಚ್ಛಂದ ನೀಲಾಕಾಶದಲಿ
               ಮಳೆ ಸುರಿವ
               ಮೋಡಗಳಾಗುವಾಸೆ......

               ಆ ಮಳೆ
               ಮೋಡಗಳ ತಡೆದು
               ಮಲೆನಾಡ ಕಣಿವೆಗಳಲಿ
               ಮಳೆ ಸುರಿಸುವ
               ಗುಡ್ಡ ಬೆಟ್ಟಗಳಾಗುವಾಸೆ......

               ಆ ಮಳೆಗೆ
               ಮೊಳೆತು ಗಿಡವಾಗಿ
               ಬೆಳೆದು
               ಮುಗಿಲ ಚುಂಬಿಸುವ
               ಹೆಮ್ಮರಗಳಾಗುವಾಸೆ......
  
               ಆ ಹೆಮ್ಮರಗಳಿಗೆ ..
               ಝುಳು ಝುಳನೆ
               ಸದ್ದು ಮಾಡುತ್ತಾ
               ಎತ್ತರದ ಬಂಡೆಗಳಿಂದ
               ಭೋರ್ಗರೆದು ಕೆಳಗೆ
               ಧುಮುಕುತ್ತಾ
               ನೀರೆರೆವ ನದಿಯಾಗುವಾಸೆ......

               ಆ ನದಿಯಾಗಿ
               ಕಾಡು ನಾಡುಗಳಲ್ಲಿ
               ಹರಿಯುತ್ತಾ
               ಜೀವಿಗಳ ಬಾಯಾರಿಕೆಯಡಗಿಸಿ
               ಹಳ್ಳ ಕೊಳ್ಳಗಳನು
               ನನ್ನೊಡಲಿಗೆ ಸೇರಿಸಿಕೊಂಡು
               ಸಾಗರವ ಸೇರುವಾಸೆ......

               ಆ ಸಾಗರದ
               ನೀರಿನಲಿ ನೀರಾಗಿ
               ನನ್ನ ಬಾಹುಗಳಿಂದ
               ಭೂ ಮಂಡಲವ ತಬ್ಬಿಕೊಳುವಾಸೆ......

               ಆ ಸೂರ್ಯನಿಗೆ
               ಮುಖ ಮಾಡಿ
               ಅವನ ಪ್ರಖರವಾದ
               ಕಿರಣಗಳ ಉಷ್ಣತೆಗೆ
               ನೀರಾವಿಯಾಗಿ ಮತ್ತೆ
               ನೀಲಾಕಾಶವನು ಸೇರುವಾಸೆ......

               ಸೇರಿ ..
               ಮಳೆ ಮೋಡವಾಗುವಾಸೆ......
               ಮೋಡವಾಗಿ
               ಮಲೆನಾಡ ಕಣಿವೆಗಳಲಿ
               ಮಳೆ ಸುರಿವಾಸೆ......

(ಮಾನವನಾಸೆಗೆ.... ಕೊನೆ ಎಲ್ಲಿ.....?? )

ನಿರೀಕ್ಷೆ......

               ಕತ್ತಲಿನ

               ಬದುಕಿನಲಿ
               ಕಣ್ಮುಚ್ಚಿ
               ಕುಳಿತಿಹೆನು......
               ಕವಿದಿಹುದು
               ಕತ್ತಲೆಯು
               ಮನದ
               ಒಳಗೂ
               ಹೊರಗೂ......

               ಕತ್ತಲಲು
               ಕಾಡುತಿದೆ
               ನಿನ್ನ
               ಸವಿ
               ನೆನಪುಗಳು......
               ಹಚ್ಚ ಬರುವೆಯಾ
               ಗೆಳತಿ
               ಬದುಕ
               ದೀಪವನು......

ಯಾರವರು ?......

               ನಾವಿಬ್ಬರೂ ಹಲವು

               ವರುಷಗಳಿಂದ ಪ್ರೀತಿಸುತ್ತಾ......
               ಕಟ್ಟಿದ
               ಕನಸಿನ ಅರಮನೆಗಿಂದು.....
               ಬರ ಸಿಡಿಲು
               ಬಡಿದು
               ಬಿರುಕು ಕಾಣಿಸಲು ......
               ಕಂಗಾಲಾದ
               ನಾನು......

               ನನ್ನಂತರಂಗದಲಿ ನೀ ಕಟ್ಟಿದ
               ಅರಮನೆಯೊಳಗೆ
               ನೀನಿರುವೆಯೋ ಇಲ್ಲವೋ.....
               ಎಂದು ಹುಡುಕಾಡಿದೆ........

               ಸಧ್ಯ.... ಅದರೊಳಗೆ
               ನೀನು ಮತ್ತು
               ನಿನ್ನ ನೆನಪುಗಳು...
               ಜೋಪಾನವಾಗಿದ್ದವು....

               ನಿನ್ನಂತರಂಗದಲಿ ನಾ ಕಟ್ಟಿದ
               ಅರಮನೆಯೊಳಗೆ
               ನಾನಿರುವೆನೋ ಇಲ್ಲವೋ......
               ಎಂದೂ... ಹುಡುಕಾಡಿದೆ......

               ಆದರೆ......
               ನಾ ಕಟ್ಟಿದ ಅರಮನೆ
               ಮುರಿದು ಬಿದ್ದಿತ್ತು......
               ಅಲ್ಲಿ
               ನಾನೂ...  ಇರಲಿಲ್ಲ......
               ನನ್ನ
               ನೆನಪುಗಳೂ... ಇರಲಿಲ್ಲ.......
              

               ಬೇರಾರೋ ಸುಳಿದಾಡುತ್ತಿರುವಂತೆ
               ಭಾಸವಾಯಿತು.....

ಮರೀಚಿಕೆ ......

               ಮನವೆಂಬ
               ಮರಳುಗಾಡಿನಲಿ......
               ಪ್ರೀತಿ ಎಂಬ ಮರೀಚಿಕೆಯಲಿ
               ನೀನೆಂಬ......
               ನೀರನ್ನು
               ಅರಸುತ್ತಾ ...
               ಅಲೆಯುತ್ತಿರುವೆ......

               ಆದರೆ......
               ಅಲ್ಲಿ
               ನೀನಾಗಲೀ......
               ನಿನ್ನ
               ಪ್ರೀತಿಯಾಗಲೀ ಇಲ್ಲ......
               ಎಲ್ಲಾ......
               ಬರೀ ಮರಳು......
             
               ಅದೆಲ್ಲಾ...... ನನ್ನ
               ಮನದ
               ಮರುಳು........

ಹುಚ್ಚನಾದೆ......

               ನಾನರಿವ ಮೊದಲೇ......

               ನೀ ಬಂದು
               ನನ್ನ ಮನದಲ್ಲಿ ನಿಂದೆ......
              
               ಹೃದಯಾಂತರಾಳದಿಂದ ಬಂದ
               ಭಾವಗಳು
               ಕಟ್ಟಿದ
               ಕನಸುಗಳ
               ನನಸಾಗಿಸಲು......              
               ನಾ......
               ನಿನ್ನ
               ಪ್ರೀತಿಸುವೆನೆಂದೆ......

               ನೀನಾದರೋ......
               ನಾಚಿ.......
               ನಕ್ಕು......
               ತಲೆಬಗ್ಗಿ.......
               ನನ್ನೆದುರಿಂದ ಮೌನವಾಗಿ
               ಮರೆಯಾದೆ.....

               ಮೌನದ ಅರ್ಥವನ್ನರಿತ
               ನಾನು
               ಹುಚ್ಚನಾದೆ......

("ಮೌನಂ ಸಮ್ಮತಿ ಲಕ್ಷಣಂ"  ಅಂದರೆ ಮೌನವು ಒಪ್ಪಿಗೆಯ ಲಕ್ಷಣವೆಂದು ಅರ್ಥ)

ಗ್ರಹಚಾರ ......

                ಕೆಲ ದಿನಗಳಿಂದ ಕಾದು
                ಕಾದು....
                ಮನದಾಳದಿಂದ
                ಬಂದ
                ಮಾತೊಂದ
                ಹೇಳಲೇಬೇಕೆಂದು......
                ನಾ... ಹೇಳ ಬಂದೆ......
                ನಿನ್ನ ಮುಂದೆ......

                ತೊದಲುತ್ತಿದ್ದ ನಾಲಿಗೆಯನು
                ಒಣಗುತ್ತಿದ್ದ ತುಟಿಗಳನು
                ಢವ ಢವನೆ ಹೊಡೆದುಕೊಳ್ಳುತ್ತಿದ್ದ
                ಹೃದಯವನು
                ನಡುಗುತ್ತಿದ್ದ ಕೈ ಕಾಲುಗಳನು ಸಂತೈಸಿಕೊಂಡು......
                ಹೇಳ ಹೊರಟಾಗ......
                ನಿನ್ನಣ್ಣ ಬಂದು ನಿಂದ......
                ನಿನ್ನ ಹಿಂದೆ.......

ವಂಚನೆ ......

               ಆ ಕೆಲವು ದಿನಗಳಲ್ಲೇ......

               ನಿನ್ನ ಸುಂದರ ರೂಪದಿಂದ.....

               ಕಣ್ಣಿನ ಓರೆ ನೋಟದಿಂದ.....

               ಸವಿಯಾದ ಮಧುರ ಮಾತುಗಳಿಂದ.....

               ನನ್ನ ಹೃದಯದ ಕದ ತಟ್ಟಿ

               ಮನ ಸೂರೆ ಗೈದು ಪ್ರೀತಿಸಿದ

               ಓ ನನ್ನ ನಲ್ಲ.....

               ಆ ಒಂದು ಹುಣ್ಣಿಮೆಯ ಬೆಳದಿಂಗಳಲ್ಲಿ....

               ನನ್ನ ಮೃದು ಮಧುರ
               ಅಧರದ ಸವಿಯುಣಿಸಿ....

               ನಿನ್ನಾಸೆಗಳ ಪೂರೈಸಿ....

               ನಿನ್ನಾಶಾಗೋಪುರದ ಉತ್ತುಂಗಕ್ಕೇರಿಸಿದ

               ನನ್ನನ್ನಿಂದು.....

               ನಿನ್ನ ..... ನೆನಪುಗಳ....

               ಕಣ್ಣಂಚಿನ ಕಂಬನಿಗಳ....

               ನಡುವೆ....

               ಒಂಟಿಯಾಗಿ ಬಿಟ್ಟು 

               ವಂಚಿಸಿ ......
               ನಡೆದೆಯಲ್ಲ....

ಓ ನನ್ನ ನಲ್ಲೆ ......

              ಹುಣ್ಣಿಮೆಯ ರಾತ್ರಿಯಲಿ

              ಚೆಂದಿರನ ಬೆಳಕಿನಲಿ.....

              ನನ್ನ ಕೆನ್ನೆಯ ಮೇಲೆ

              ನೀನಿಟ್ಟ

              ಮೊದಲ

              ಮುತ್ತು....

           
              ನಿನ್ನ ಪಿಸು ಮಾತುಗಳ.......

              ನನ್ನೆದೆಯ ಭಾವಗಳ.......

              ಹೇಗೆ

              ಮರೆಯಲಿ...

              ನಾನು...??

              ಓ....

              ನನ್ನ

              ನಲ್ಲೆ.......

ಪ್ರೀತಿಗಾಗಿ......

               ಆ ಒಂದು 

               ದಿನದಂದು.......

               ಕಣ್ಣಲ್ಲಿ

               ಕಣ್ಣಿಟ್ಟು .......

               ತುಟಿಗಳಲಿ
               ತುಸು ನಕ್ಕು .......

               ಮತ್ತೆಂದೂ..... ಕಾಣದೇ......

               ಮರೆಯಾದ

               ಮುಂಗುರುಳ

               ಓ ಚೆಲುವೆ......
               ಕಾದಿರುವೆ

               ನಿನಗಾಗಿ......

               ನಿನ್ನ

               ಪ್ರೀತಿಗಾಗಿ........